Do not weep when I am gone...

Dedicated to all those who have left for higher ground... 

'Remembrances is what we have'

Do not weep when I am gone,

I am not there, 

I am not bondage to me,

I would be millions a year away, 

Taking the journey in a right direction,

You would never feel me through tears neither loud cries nor memories, 

Still wish to see me, 

find me in a drop of rain or seed in a plant, 

May be in a laugh on a lighter note,

Or a tiny star in a vast sky, 

And when you hear a cry of newly born, 

know I am back  and getting stronger for another level of life,

The life which 'Aks' played is no more memory but the starting a new one is all I have learn, 

So be ready to make me happy by not crying 

when I gone 

rather laugh a little loud so I could know where you are !!

-Arun Rise Sharma

#arunaksarun

Maut ek kataaksh hai..

Maut ek kataaksh hai..

Maut ek kataaksh hai..
aadmi ki badhti hui abhilashao par,
dekh kar jeete hue sapno par,
adhure soye hue vyaktiav pa....

Maut ek thahrav hai..
tez raftar se bhagti girti jindagi par,
bebas se thake hue kamjor insaan par,
thake hafte kampte tute insaan par...

Maut ek bhay hai...
mange hue hisse par,
milte hue dhan par,
chitkarte, bilkhate hue insaan par...

Maut ek saza hai..
jivan se bhare hanste khelte shishu par,
sunder sapne se jage hue yuvak par,
khushio se bhare budhe par..

Maut ek lakshya hai..
jiwan ke baad satya janane wale par,
sab ichchao se puran hone par,
aage badhkar gale lagane wale betab par,
aur satya ki pratiksha me vyakul par....

Maut ek kataaksh hai..
' arun'  ki badhti hui abhilashao par,
dekh kar jeete hue sapno par,
adhure soye hue vyaktiav pa...

Mera Sapna

Mera Sapna

Mere sapne ne aaj
karwat lekar mujhe jaga dia,
Salo se soi hui nidra ko
jaise chanchal bana dia..

Kabhi muh-andhere me
raat ke ahsas ko tyagte hue
main aage badhkar
sapne ko jiya kart tha..

Aaj subah ki lali bhi
raat ke andhere ko
tod nahi pati aur rasta
bhi aage badhte hue muh chi(d)ra
jaata hai..

Raunake jo jiwan ki ab tak
mere sath muskarati thi
ab wo hi mujhe dekh kar
berukhi se bhar jaati hai..

Mera saya jo mujhe shubh-prabhat
ka sandesh suna kar ullas
se bhar jaat tha
aaj wahi mujhe dekh kar
andhere ki taraf gum
ho jaata hai..

Ek hi pal me " arun"
duniya meri badal gai
rah ki raho me sapne
tak viran kar gai..

Mere sapne ne aaj
karwat lekar mujhe jaga dia,
Salo se soi hui nidra ko
jaise chanchal bana dia..

Yatra

Yatra

9 July 2013 at 19:07

Aaj main jaldi uth gaya,
aisa nahi ki main sari raat soya nahin,
par aisa bhi nahi  hua  ki main
kisi pal subah ki pratiksha na kar raha..

Uth kar sabse pahle maine,
apne saathi ko dekha..
wo bhi shayad raat bhar soi
nahi tabhi nidra ne muh-andhere
hi use daboch liya..

Samne lage shishe me
apne aks jo ek hi raat me
mera na raha
khud ko dekhte hi
ganga-jamuna se
bhar gaya..

Maine apni dabi hui chitkar
ko aur dabaya par
kambakhat na jaane
kaise besudh hokar ujagar
ho gai aur mujhe bi
nanga kar gai..

Sharm ke maare " arun"
main uth kar ' Bath-Room'
me aa gaya lekin mera chhupna - chhupana
bhi bekar gaya..

Sathi ne meri pee(d)ra
ko pakad liya aur apni
pee(d)ra se use
vyakat kiya...

Ankhon me chhitte marta
muh me kulla bharte hue
toliye ko jab maine kheecha
to use bhi bhi geela-geela paya
lagta hai raat bhar
se wo bhi soya nahi aur vyarth
me hi mu-andhere geela hi raha...

bahar nikal kar deewaron
ki taraf yuhi dekha,
peelepan ki jard me
lipti hui mere khokhalepan
ki tarf ingit kar gai,
khali si chhat bhi jaise
sar par mere aa tiki
pankhe ki khad-khad me udasi jaise jeet gai
aise mahol ki neerasta mujhe das gai..

Kuchh log baithe the
aur kuchh log aa gaye aur
beech me mera beta
jamin par so raha jaise
abhi uth kar muskareyga,
sirhane par jalta hua dia
jaise jiwan ki aag ko
byan kar gaya...

Ek aah si bhar kar
apne anshuao ko peekar
apne sathi ko kandhe lagakar
uske dukh ki anubhuti se apne
dukh ko jala kar nikal pada
main apne bete ko anant yatra
par bhejne ke liye jahan se
aage ab na koi uska chhor hoga
aur nahi mera...

Kal tak jise ungali pakad kar
chalna sikhaya
kal tak jise apne budhape ka sahara
samajh kar jiya
aaj wahi mera apna mere kandhe
par uth kar mujh se pahle aage chala
kabhi na wapas aane ke liye...

Al-vida beta, tera aur mera
ye fasla ab kabhi kam
na hoga aur tu ek
sach ki tarah meri jindagi se
kabhi gum na hoga..